Aquí e agora

“Vós, os europeos, tede-los reloxos, mais nós temos o tempo”. Provérbio africano.

5 minutos from non ten xeito on Vimeo.

Respira from non ten xeito on Vimeo.

Quieto en la felicidad de su condición from non ten xeito on Vimeo.

Aquí e Agora compom-se de 4 de peças audiovisuais (180″, 5′, Respira e Quedo na felicidade da sua condiçom) e dumha serie fotográfica (Instantes) que exploram o fator temporal na imaxe através dos soportes de vídeo e fotografía, o ponto de confluença entre a nossa percepçom e os recursos da imaxe em movimento, paradoxa entre um conteúdo nom-lineal e umha duraçom física determinada.
Estos rexistros levam-se a cabo sem intervir no espaço, somente umha imaxe e um encuadre.
O obxeto cámara é o meio para capturar o que vêem os nossos olhos; o resultado videográfico é a reproduçom de aquilo que nom poderíamos ver doutro xeito. Pequenas capturas temporais, instantes desapercebudos na natureza, situaçoms cotidianas na paisaxe urbana e vidas desmaterializadas que reaparecen perante nós.
Este trabalho reproduz um tempo que nom se corresponde com a realidade tanxible mais é intrínseco a dita realidade. Modifica a leitura das imaxes fotográficas e videográficas ás que nos acostumamos, estando a destacar o principio transitorio no que coabita dum xeito simultâneo.

O espaço e o tempo son elementos indisociavéis, vivimos num común estabelecido (anos, datas), cada individuo tem a sua própria medida (que depende única e exclusivamente da sua experiência), cada imaxe pertence ao período na qual foi creada (época) e cada soporte dispóm de um fator temporal.

A relaçom com o tempo na creaçom é umha constante de perguntas e respostas reformuladas umha e outra vez.

“A xente que busca significados simbólicos nom logra percever a poesía e o misterio inerentes á imaxe. Sem dúvida sinten ese mistério, mais querem liberar-se dele. Tenhem medo. Quando perguntan – ¿Qué significa isto?, expresam o desexo de que tudo sexa comprensible. Mais se umha nom rexeita o misterio, consegue umha resposta totalmente diferente. Umha pergunta outras coisas.” René Magritte.

Instante 01
Serie Instantes, 2009-2010
Fotografía dixital, cor, 100 x 70cm.
Date: 2009 - 2010 Skills: Audiovisual, Fotografía, Investigación