Xeito Fole ❤️‍🔥 nontenxeito

O faladoiro ten como obxectivo crear un espazo para o pensamento crítico, o diálogo e a empatía para entender a celebración como unha práctica política, un dereito cultural e un refuxio colectivo onde se activen formas de resistencia, reexistencia e redes sociais reais ante as múltiples formas contemporáneas de violencia: institucional, social, estética, económica e tecnolóxica. La Tomasa propón unha reflexión necesaria: Que significa celebrar xuntes nunha cidade como Barcelona, nun momento no que se intensifica o control dos corpos, os datos, os territorios e a vida cotiá? Este espazo pretende: Destacar como as celebracións funcionan como espazos de encontro e defensa do espazo público. Recoñecer a celebración como un acto de resistencia cultural para as comunidades migrantes, racializadas e LGBTQIA+. Explorar a idea de refuxio, onde a celebración, a danza e o corpo constrúen coidado, pertenza e posibilidade política. Incorporar unha análise crítica dos riscos que as ameazas do tecnocapitalismo supoñen para as prácticas comunitarias. Convidades ó faladoiro: Frau Diamanda «É tradutora, escritora, artista audiovisual travesti, música, artista drag, comisaria independente, promotora cultural, DJ e actriz ocasional». Alexxis Lima «Artista trans non binaria autodidacta, performer, directora de arte, produtora e fundadora do colectivo peruano VICHOS e da plataforma de contido audiovisual LIMA GORE TV». Xeito Fole «Artista transmedia, investigadora e activista cultural queer. A súa práctica artística cuestiona os modos de produción contemporáneos, a cultura en rede e os medios dixitais, posicionando a imaxe non só como un medio de representación, senón tamén como un territorio político e afectivo».

Categories: Pedagoxía e Transmisión