se encuentra bajo una 
NOSYMMETRIES é unha liña de traballo de Idensitat que, no marco do proxecto europeo Care Ecologies (https://careecologies.eu), promoe a investigación e a activación de procesos artísticos vinculados a cuestións que teñen que ver con diversas formas de desigualdade social. A partir dunha residencia, unha exposición e un simposio, quíxose explorar a idea de imaxinación crítica e creatividade social, entendendo a conexión entre estes dous conceptos como un proceso colectivo que abarca diferentes perspectivas. Disidencias, disputas, violencias, participación, construción do común, visibilidade – invisibilidade, coidados, xustiza social son algunhas das palabras que resonaron durante as residencias, que están presentes na exposición, e que se despliegan e enriquecen co simposio.
O simposio artículase a partir de diferentes conversas convidadas e a presentación de breves ponencias previamente seleccionadas a través dunha convocatoria aberta. Reúne distintas perspectivas que poñen en tensión as prácticas artísticas e culturais vinculadas a termos como xustiza social, ou as políticas do medo instigadas desde o neoliberalismo contemporáneo sobre cuestións de identidade, xénero, raza ou migración e ecología dos coidados.
O simposio é un encontro para recoñecer os desafíos da nosa dependencia compartida, así como as nosas diferenzas, para explorar como afrontar a responsabilidade cara aos coidados, tanto para dalos como para recibilos. Propoñemos imaxinar un futuro desde esa vulnerabilidade compartida, que no marco dun sistema neoliberal baseado en fomentar a asimetría social, nos leva a considerar que a igualdade, como obxectivo, podería ser substituída por conceptos interrelacionados como diversidade, equidade e xustiza social.
O programa que se configurou a partir de diferentes voces. A sesión da mañá é froito do grupo de traballo entre Idensitat e o grupo de investigación IMARTE da Universidade de Barcelona, e a sesión da tarde da mesa curatorial formada por Idensitat (Irati Irulegi) con Xeito Fole, Andrea Corrales e iki yos piña narváez funes.