haik-us

SINOPSE

Trata-se dumha peça interativa para a creaçom e aprendizaxe de haikus xeoposicionados para smartphones e tabletas.

Através dela poderam-se crear haikus e posiciona-los, também localizar os existentes no espaço onde estam contidos e aprende-los xogando. O que xeramos com esta peça é um espaço de realidade mixta, somando á realidade física o elemento dixital que constitúe o poema. Além da peça dixital e como elemento de ponte analóxico á experiência poderá-se fazer uso do Tomoe, um obxeto que será ativado umha vez o poema sexa localizado e permitirá descifra-lo dum xeito interativo. Umha prática proveitosa através dum rol intercambiavél entre quem crea e quem le haikus. A captura precisa do momento presente.

O obxetivo do leitor usuarix é o descobrimento e captura de haikus por meio da consulta num mapa que lista os mais próximos á sua localizaçom. Tra-la deteçom do poema e quando chega ao ponto indicado ativa-se o Tomoe dixital no smartphone ou o obxeto físico no caso de dispor dele. Poderam-se ir resolvendo e memorizando os poemas através da escoita de palavras e a interaçom com os seus cinco botoms ante estímulos sonoros. A dinámica é a pressom da primeira vogal das palavras escutadas ate completar cada haiku, que seram recitados na sua totalidade umha vez completado o nível. Xa decodificado pode ser almacenado na memoria da interface ou na conta pessoal para reler.

XOGABILIDADE

Cada pessoa pode converter-se em ‘Hajin’ ou poeta quando xa tem na sua conta cinco ou mais haikus.
Para isso tem que mover-se até o ponto onde quixer ubicar o texto. Fara-o bem através da aplicaçom de xeraçom automática, através da propria composiçom ou mediante a utilizaçom da base de datos de haikus tradicionais. Além destas dinâmicas individuais prevê–se a possibilidade de conetar varios Tomoe em linha quando estos fiquem a menos de 50 pés xerando umha dinâmica de xogo coletivo. Nós chamamo-la ‘Captura compartida “e é um tipo de xogo que emerxe da capacidade de intercâmbio de informaçom entre múltiples Tomoe ou interaçom máquina para máquina (M2M). No caso de varios usuarixs a leitura e a creaçom faram-se coletivamente xerando assim umha experiência mais dinâmica. Há também a opçom de xogo fóra de linha, com os haikus que xa foram cargados no Tomoe.

DATOS TÉNICOS

No referente ao hardware estaremos a utilizar dispositivos móveis, do tipo smartphone e iphone e do tipo tablet e ipad.

Na primera fase do proxeto, é nestes dispositivos onde se desenrolar o conxunto da aplicaçom, valendo-nos dos altavoces e da iluminaçom da pantalha dos mesmos. E numha segunda fase preve-mos a continuaçom e implementaçom da interface física Tomoe, creada a partir do Arduino. Para isto desenharemos o kit Tomoe, montábel pelas pessoas usuarias da aplicaçom.

No referente ao software a base da aplicaçom é Processing.js, que permite trabalhar com os sistemas operativos Android e iOS. Para a xeoposición dos poemas utilizamos Leafet, umha livraría Open Source em javascript que permite trabalhar com OpenStreetMap e xeovisualizaçoms de maneira interativa. No canto da síntese de voz estaremos a utilizar Loquendo.

Diagrama:

Proxeto em fase de desenrolo, elaborado por:
Roger Olivella i Pujol + Andrea Olmedo Río + non ten xeito